不要亂來December 31, 2005 5:06 pm
已轉 blog host，
請使用︰http://www.sleepmore.net
RSS: http://feeds.feedburner.com/sleepmore
評論人協會December 21, 2005 10:05 pm
- 根據香格里拉︰「韓農，其實他們本來就有被捕被打的心理準備，他們擺明車馬知道會觸犯法例，但世貿關乎他們生死存亡，為了make noise，他們也唯有如此。」
- 根據 comments， 原來那個生死存亡是因為被人攻佔了幾個 % 的市場， 那班「就快餓死」的韓農一直霸佔九成市場以上。 所以說香港人是世界上最仁慈的人， 自己都快餓死了， 還要為一班壟斷九成市場的人來「make noise」。 不知道我失業的話可以去找誰 make moise 呢？
評論人協會December 19, 2005 11:06 pm
- 有本地示威者和所謂民間團體投訴受到警方暴力， 我覺得， 明知山有虎， 偏向虎山行， 抵你死啦， 暴力對待嘛， 你．預．左．架．啦
- 又有本地年青人謂見到受南韓示威者三步一拜感動而用行動支持示威， 我又覺得， 換言之， 你只是「感動」而並非理性支持南韓農民的訴求啦， 那你就快點回家食飯啦， 你娘親掛住你呀， 細路仔
- 何謂公平？ 政府補貼算是不公平， 那麼大陸無補貼不過人工極低， 足可以傾銷， 應該算是公平吧？ 不過郤一直招人非議， 所以， 有無補貼， 是否公平， 根本不重要， 對示威者來說，重要的是︰ 你千萬不要平過我， 否則我的貨如何出售？
- 那些要求平等、 要求公平的人， 看看南韓政府如何「幫助」電子產品行業吧， 又何公平之有？ 對政府來說， 有利用價值就幫助， 無利用價值就任由自生自滅， 這道理相信無人不懂吧。
- 絕對明白警方的角式是要制止暴力、 示威者的角色是要製造暴力， 那我們就不要那麼低B， 說甚麼警方濫用暴力， 或是示威者破壞社會安寧之類。 你看電影時， 總不能要求奸角不要作姦犯科， 或是要求正義的主角不要老套不要說教吧。 雖然很多人以為他們的角色是「絕對正確的批評者」或許這包括我在內， 不過我想我的觀點跟他們不同。
君子之膠December 16, 2005 4:31 pm
南韓 VK Mobile… 推出 4 部電話 "plan to target the global market." ， 並釋出一份攪笑 Press Release， 重點如下︰
- allowing users to enjoy music during a call
- VK2010︰ a stylish design giving the feel of the Apple iPod
- 難得 VK 夠大方， 肯在官方 press release 內高度讚揚 Apple， 換言之， 亦是暗示自己抄襲 iPod， 大陸 / 台灣的廠商頂多只是抄外型， 南韓 VK 連 screen 都抄埋， 夠大膽
- 無言， 只能講一句， 那個 PR， 是不是將老細開會時的廢話照搬字過紙？
- 換言之， 美國無份， 東南亞無份， 何 global 之有？
companies such as Nokia, Motorola and Samsung in the global mobile
phone market in 2006."
- 再來， 坦白得可愛。
如果想參觀 press release 全文， 可到這裡。
影/書/碟評December 14, 2005 9:01 pm
《如果．愛》後感
* 愛沒有如果， 沒有假設
* 伴侶比愛人難找
* 伴侶比愛人難做
* 愛一個人、 忘記一個人、 放下一個人， 都是催眠自己、 欺騙感覺
* 不論一個人多重要， 隨著時間流逝， 到底只會是生命中的一個章節
* 只有麵包才可以跟你共富貴和共患難
不要亂來December 10, 2005 1:21 am
| 中文 | 英文 |
| 唔好睇 | No good see |
| 唔好食 | No good eat |
| 好難食 | Very hard eat |
| 好ｘ難食 | Very lung hard eat |
| 俾心機 | Give heart machine |
| 打鑊勁 | Hit wok super |
| 食死猫 | Eat die cat |
| 讀屎片 | Read shit piece |
| 食屎啦你 | Eat shit la you |
| 你死你事 | You die you matter |
| 多得你唔少 | Many you not little |
| 乜咁多人死唔見你死 | Why so many people die you don’t die |
| 生舊燒猪好過生你 | Born a burn pig is better than born you |
| 大人講野幾時輪到你講 | Adult talking when is your turn to talk |
| 多得你唔少 | Many you not little |
生活是無聊December 8, 2005 1:03 am
天氣一凍， 人便要冬眠…
這幾天怎樣睡也不夠（其實一天睡 6-7 小時左右）， 一天到晚也想睡， 早上怎也不願起床， 今天鬧鐘 08:00 響， 不過我起床時間是 09:30…
現在， 我站著都可以入睡… ZzzzZzzzZzzzZZZZZZZZZ!!!!!!!
要冬睡的， 我是冷血動物嗎？
評論人協會December 5, 2005 6:31 pm
不要亂來November 30, 2005 10:33 am
生活是無聊November 27, 2005 1:10 am
Charlie 話想唱 k， 但唔想對住我喎， 於是叫埋 Yicca 同埋 Karen 去啦， 由 12:30 唱到 5:30， 基本上要男聲既我都唱哂喇， 冇氣。 之後同 C&Y 去左朗豪吹左陣水， 就 join 小鰻 / lily / renee 佢地 nds meeting 啦。
去到 cafe 原來已經好多人啦， 仲要有好多成熟男， xp ， 好難得搵到位， 第一時間開波狂玩 Mario Kart！ D 人好勁， 玩左幾個鐘我未拎過第一！ 因為 chok 甩尾實在太難啦， 玩左幾個鐘真係手指都痛， 我好懷疑玩得多部機會好快壞， 佢D 制好似唔多掂咁喎…
講番 Mario Kart， 我覺得呢隻真係好考實力既賽車 game 黎架， 運氣都係實力的一種嘛。 同電腦玩好灰， 當我拎到第一時， 通常冇幾耐就會連中三元， 一隻墨魚， 再黎藍龜， 順手整多下閃電， 跟住就可以慢慢追喇。 不過其實隻 game 唔難玩， 事關我亂咁玩都 unlock 到唔少車啦， 又唔使場場拎第一， 電腦又會好有誠意咁專程走去踩你放的蕉皮， 總之玩既時候 keep 到個靚位入彎其實都 ok， 唔使下下 chok 都手痛。
我勁憎玩彩虹賽道， 雖然已經練到可以o係o個度甩尾喇…
生活是無聊November 23, 2005 1:43 am
今日叫做係放假第一日， 起身第一件事就係去買 NDS Mario Kart， 超正， 不過去 Pacific Coffee 攪左好耐都研究唔到點上 internet 打， 算。
跟住去做 gym， 其實今日長袖衛衣 + 牛仔褲， 都係去混吉咁既款多過真係去做， anyway， 我一直都只係打算操上半身， 所以話之佢啦。做左一陣， 忽然間想去溜冰， 於是就一個人去左又一城， 都有半年冇溜過咯， 好彩今日冇 PK， 不過問題係， 其實我一直都練唔到點樣「急停」，所以一路溜一路都好驚有細路仔O係我面前亂衝亂撞， 不過事實上， 班細路溜冰多過我行路， 勁又勁過我快又快過我， 我根本上唔使避開佢地啦，佢地大部分都識得避開我架， 係間中有一兩件轉線唔打燈之嘛， 當然， 做完 GYM 再溜冰既結果係， 冇乜力， 所以溜左一個鐘就走咯。
生活是無聊 1:40 am
話說好多人都知我有另一個 blog 純講生活日記， 不過唔多人知道o係邊， 其實我都只係寫左少少咋。 原意係因為呢度D文章好（有時）正經， 唔係個個都鍾意睇， 所以開另一個 blog 寫日記。 不過小鰻又話集合埋一齊好D， 咁睇下你地想點啦… Anyway， 呢度係考試期間兩篇日記。
精神緊張
Friday, 11. November 2005
這兩個星期維持在一個緊張的狀態， 考試… 一個對我來說永遠難度極高的 task， 我情願做幾次 project 也不願考一次試。考試要求的是背書， 是要服從於他的 theory 下答出指定答案， 而 project 是建基於他的 theory 下做出（比較上）切合實際的工作， 我覺得考試無甚麼意義， 我也不在行， 這是重點。 因為衰過， 現在每次考試都頗緊張， 好像考試 = retake 似的…
另外精神緊張的後遺症是經常眼訓， 何時何地都睡得著， 包括考試的時候…
Media Planning 試後
Thursday, 17. November 2005
應該係做得最痛快既卷， 計數， 識就識唔識就唔識， 唔使拖， 唔使諗， 幾好， 最好係好彩大部分都識， 有冇計錯係另一回事丫…
個人都幾攰， 死啦， 而家先叫做考左兩科， 跟住點捱？
聽到個令人唔知點既消息， 有少少失望， 係我冇主動﹔ 另外第二件事， 又好似做錯左少少野咁， 成日做野都做一半唔做一半… 嗯， 點算。
I am feeling lazy today…
Saturday, 19. November 2005
今日考 International Advertising， 一科本來以為好易， 溫緊書先知死既科目。 原來好多野要記！ 大鑊！ 但已經好眼訓， 成效真係…
果然今日入到場， 其實好多都唔係好確實記得， 不過算啦， 吹得七成似就當答中左啦。 係衰在最尾一題， 問 Hofstede， 我竟然睇錯題目， 答錯左！ WHAT THE FU_K!!!
以後唔好俾我o係香港見到 Hofstede， 否則打鑊佢。
講番尋日溫書有攪笑野， 話說我俾 beo 捉左去自修室溫書， beo 哥三點幾施施然出然， 一坐低我溫到如火如荼都唔得閒招呼佢， 佢隨手就拎起支水飲啦， 我唔為意， 就出現左以下對白︰
B︰（飲水）喂… 支水係咪你架？
我︰唔係。
B︰（定哂型）…
我︰（DUP 低頭想笑又唔笑）
B︰（冇聲出， 彈起身飛撲落街）
我︰（忍笑）
我︰（強行忍笑）
我︰（忍唔住， 笑左）
（五分鐘後 BEO 哥飛番來， 對面 2 位女士就多左支水啦）
不過據我觀察所得， 該 2 位女士到臨走都冇掂過支水…
影/書/碟評November 22, 2005 12:43 am
事前睇過影評， 對故事冇乜期望，對感情線都冇乜期望， 係想睇佢點打咋， 不過事前見過有人將佢同《卧虎藏龍》相提並論， 咁梗係相當有期望啦， 結論係， 果然期望越大失望越大，唔係話打得唔好睇， 而係冇想像中咁好睇啦， 阿甄生同吳京對打o個場 OK 既， 但冇乜壓迫感啦， 而且踢腿差左少少，同埋洪金賽基本上唔係好打， 唔知咩事。
劇情方面， 基本上係一套著住時裝既古裝武打片。 其實係開頭講左少少咩叫殺破狼既，不過講左好似冇講咁， 可能我本身唔識卦。 另外 ending 都 OK 既， 講左少少因果， 不過好片面下， 同埋有少少夾硬，最後任達華訓低又有少少無謂啦， 冇必要拍埋出黎。 我睇劇照係有一幕講任達華教個細路女開鎗， 不過係咪 cut 左呢？我反而對呢幕有少少興趣喎。 成套戲廖啟智仲做得好過任達華， 夠放夠癲， 印象幾深刻。
評論人協會November 18, 2005 12:36 pm
* 圖片來源︰Sidekick
我對這類所謂聲明有點反感， 這類聲明， 頗肉麻。 其實， 民主是一定要爭取的， 但請有誠意少少， 普選不是你要就有， 這種純煽情式又無內容的廣告真的已經過時了， 如果是大牌子用來 sell 那些無腦 MK 敗家仔還可以。 「現年 78 歲的香港人」， 不如再煽情少少， 108 丫笨。
對於爭拗兩方， 已經無甚麼說話可以再批評， 看看政界才知道原來香港無人才， 理論上， 角色上， 泛民必須要爭取普選， 而政府（及一堆無關人士）則必須阻止 07/08 普選。 本來這可以是一場很精彩的角力， 供市民欣賞。 可惜， 由 1984 年等到 2005 年， 任何歲數的香港人亦只是見到一堆言論， 一堆組織。 民間各式各樣「關注香港」、「爭取民主」、「甚麼力量」、「甚麼組織」的架構快要超過政府的巨無霸架構了， 但還是沒甚麼重大貢獻嘛。 03 年 7/1 我去過， 但只一次而已， 因為原來動員 50 萬人上街的回報不是政府倒台， 而是是自由行（好像還有屍爬？ 我有沒有記錯？）， 真是反高潮。 那不如等自由行對香港經濟的貢獻少了， 但是香港需要新的商機時， 我們才繼續上街吧。
至於保皇、 親中陣營也好不了多少， 在他們的智慧中， 愛國等於「拎住支國旗 fing fing 下」， 其幼稚和低能程度， 無出其右， 嘆為觀止， Ｘ人所不能， 進退失據， 貽笑大方， 說話時表情聲線用字語氣無一達標， 簡簡單單一個句說話可以被人笑足十年， 應該去再造喇。
政治從來都不是為人民服務， 人民生活亦不應依靠政府， 政治玩得高手的話是一個平衡利益的工具， 不過香港政治家， 高手之極亦只擅長做 SHOW， 實際功績、 平衡利益… 難矣。
告訴我， 我會有脫離低能政治肥皂劇的一天嗎？
補︰ 自知表達能力低， 講清楚少少， 我都希望見到民主， 但唔係 must， 有就最好， 冇亦吹佢唔漲（因為當 500k 人上街都只係換來自由行， 而更神奇既係當時主流意見無人質疑， 咁你下次想有幾多人上街？）， 但以現時兩班人的能力去評估… 哈。
不要亂來 12:57 am
唔計平時亂開亂申請o個堆， 最近開左一個新 blog， 呢個純粹當係日記咁用， 內容同寫法都同呢個 blog 有分別既，
呢個 blog 係要黎 comment / review / 相 / 寫心情， 而新開o個個純粹日記。
不要亂來November 15, 2005 9:59 pm
我決定以後我 tip 邊個 chapter， 我就唔溫邊個 chapter……
今日考完 Advertising Strategy，肯定唔會好， 合格咁囉我諗， 呢個 sem 都唔希望有好成績， 我準時交學費唔該你快手俾我 pass 哂快手俾張 cert 我大家各取所需功德完滿無拖無欠。 講真， 要真係讀書， 我此時此刻真係冇呢個心， 讀書要講時機， 我相信學野係o係學校外學得比較好， so far 我仲係好鍾意學新野， 但絕對唔係書本教o個D， 坦白講， 我好懷疑寫書o個個到底明唔明自己講乜。
下一科 Media Planning… 都係求合格， 中學時期既陰影， 個人都幾怕計數， 雖然我同人補習都係主要補數…
