評論人協會April 14, 2005 4:27 am
一直都有人質疑點解要插架仔， 反正大陸都唔好得去邊， 點解？
即係咁， 你老豆同隔離屋開片， 你死人都撐自己友啦， 老豆點衰就閂埋門自己解決， 最緊要攪掂出便先， 可惜偉大既中華民族就係鍾意插死自己友然後向外族搖尾乞憐搖曳生姿， 歷史上一直都係咁（呢D歷史應該冇改過）。
又有人話唔值得為左政治理由而令自己生活不便， 喂， 我唔認為抵制日貨會對自己生活構成不便， 係D人傻仔以為 MIJ=好野 o者， 講真， 除左相機、 電視機同埋四仔外， 我唔覺有乜野要靠哂 MIJJ 喎。
又有人話用緊日本野就唔應該插架仔， 痴線， 而家全香港食緊既食物幾乎全部 made in china， 咁又唔好插大陸丫笨， 用緊人地既野就唔好插人地？ 乜野理論黎架？ 咁香港冇製造業， 全部要靠外地輸入， 香港人係咪乜都冇資格批評？ 咁香港人咪好熱愛和平？
