不要亂來September 29, 2005 8:04 pm
如果一隻蝴蝶在非洲拍拍翅膀可以引起美洲颱風，
那麼一個人類揮手應該可以引起颶風，
一個人走路應該可以引起大陸版塊移動從而引致地震。
所以， 做隱蔽青年有助世界和平。
君子之膠 7:53 pm
除去「光 =/= 光纖」以及「骨幹網絡」的誤導，
「光速是速度極限」的意思是不是說傻記寬含的光速已經達致極限， 將來再也無法提升速度了？ 即是說已經再沒進步空間？ 而且廣告由始至終都只有機械人， 我會不期然把機械人的速度代入傻記的速度。
不過我用傻記的經驗是， 速度真的很快， 萬一它沒壞的時候。
不要亂來September 25, 2005 2:32 am
iVillage.com 有一個可以 check 你的英文名從 1880 年到現在的使用率和流行程度。
我所用過的三個英文名︰
KXY︰ 1940 年代最多人用， 但在 80 年代開始已經 1000 大不入了。
GXXO︰ 好像從沒流行過， 其實我還以為這是個意大利名？
AXXXXN︰ 中學時英文老師改的， 好像越來越多人用了， 普及程度幾乎直線上升， 亦是因為這個原因， 中學之後我便改名了…
嗯， 考慮在畢業前再改名…
評論人協會September 22, 2005 11:08 pm
今天上課聽到好笑的東西。
那個教大學的所謂講師說， 港台早前一個節目訪問一居港印巴籍人氏， 當提到 97 回歸時， 該印巴籍人士一度感動落淚， 謂香港人終於有身份云云。
然後， 該講師認為「使唔使呀」、 「呢個就係港台的編輯方針有問題」、 「呢個好明顯係中毒」、 「催眠」…
雖然我都覺得一名印巴人氏為香港回歸感動有點奇怪， 但關編輯方針甚麼事？ 我無看過該節目， 但只聽內容的話， 我會覺得是港台只是當作一個「獵奇」的心態去採訪， 事實上， 受訪者有任何情緒波動， 播出來很正常。
再者， 即使港台有心宣揚愛國又如何？ 就算真的宣揚愛國， 最低限度也比「心繫家國」高手一千倍。
坦白講， 我都今天仍然覺得自己是「香港人」， 我是肯定沒有愛國意識的， 因為沒有原因要我愛國嘛。 不過如果以該所謂講師而言， 愛國等於中毒的話， 全世界有多少人中毒呢？ 至少應該有「60 億減 13 億人」吧。
身為一個專業人士都可以抱如此想法， 難怪「去陶傑化」式文章， 越來越多， 長寫長有。
生活是無聊September 20, 2005 9:44 pm
有人竟然估 錯 我是雙子座。
我的性格似雙子座嗎？ 我以為很易估中的…
又有人說我嬲的樣子和平時無分別， 其實， 我好像絕少在人前嬲爆， 因為， 還沒有人有這個能耐。 以我的懶散和怠慢， 基本上生活上也沒甚麼事可以讓我焦急， 所以， 嬲的導火線也沒有。
P.S. 今天 mid-term 這科原來可以不用溫書， 答卷時不用思考， 也不用準時到場， 因為做 40 條「估估下」基本上只需 5 分鐘。
不要亂來September 19, 2005 1:02 am
Weakest Fireworks I have seen in my life, outside the Hong Kong Disneyland. Maybe there is another fireworks show INSIDE the resort?
不要亂來September 16, 2005 12:32 am
報紙都大篇幅報導自由行如何在敵視你樂園出醜， 又謂有人隨處大小便等等…
其他隨街小便， 已經司空見慣啦， 在香港各區也有小朋友每天示範， 有何新聞價值呢？ 難道敵視你樂園特別尊貴， 要特別關注嗎？
另外又有報導指自由行在洗手間（洗手盆？）隨處大便… 笑死， 從來沒有聽說過有人會隨處大便， 即使開放自由行後也沒有。 其實在敵視你建成以前， 自由行不也是一樣在香港大搖大擺橫行無忌嗎？ 怎麼沒聽說過有人會在海洋公園 / 金紫荊 / 各大金鋪 / 各大電器鋪隨處大便呢？ 難道敵視你的環境特別引人屎急嗎？ 抑或是各位國內遊客在敵視你建成以前都沒有這種生理需要？
有點覺得敵視你和因而是絕配。 兩者都乞人憎、 扮大牌、 扮高貴、 令人則目。
展示場September 12, 2005 11:56 pm
記得大約係 1998-1999 年左右作品， 當時放於自己個網頁內， 不過咁耐以黎總會不定時收到 email forward 呢篇文章， 又或者某 forum 會見到， 其實我當時都係參考「麥嘜寫法」， 都係一條橋用唔同字眼重覆寫。
不過見既然過咁多年都仲有人睇， 証明仲有市場， 所以自己都 post 番出來先， 唔好執輸。
其他人意見， 多數鍾意 #42 & #50， 其實我自己最鍾意 #49。
50個不交功課的藉口
1) 唔記得.
2) 記得不過唔想做.
3) 唔識做.
4) 唔鍾意做.
5) 老豆唔肯幫我做.
6) 大哥尋日冇返屋企,冇人幫我做.
7) 掛住打機,冇做.
8) 掛住陪男/女朋友,冇做.
9) 要陪隻狗,冇做.
10) 乜要做咩?我唔知喎…..
11) 冇寫低要做.
12) 尋日冇返學,唔知要做.
13) 尋日走左堂,唔知要做.
14) 上堂時訓左,聽唔到你話要做.
15) 你話做我就做,咁我咪好冇面?
16) 我唔妥阿sir你所以至唔做,其他阿sir既功課我交齊架.
17) 我唔鍾意呢科.
18) 阿sir你樣衰.
19) 我冇買書,做唔到.
20) 我冇買簿,做唔到.
21) 我有做,不過冇帶返黎.
22) 我有做,不過俾隻狗食左.
23) 我有做,不過俾細佬畫花左.
24) 借左俾阿邊個抄,佢未還.
25) 尋日屋企火燭.
26) 尋日屋企水浸.
27) 尋日格離屋火燭.
28) 點解冇做?因為冇做..
29) 今日要交?乜唔係下個月先要交咩?
30) 去左補習, 冇時間做.
31) 我仲以為阿sir冇返唔使交.阿sir你太令人失望啦….
32) 太多其他功課,做唔哂.
33) 冇乜其他功課,冇心機做.
34) 尋日阿三叔公八姨婆五姑姐六舅父一齊生日,連續飲左五餐.
35) 尋日阿三叔公八姨婆五姑姐六舅父一齊黎左我屋企打牌.
36) 尋日阿媽打牌三缺一, 我冇理由唔孝順佢呀….
37) 要搞open day.
38) 要搞swimming gala.
39) 要搞sport day.
40) 要練校隊.
41) 阿sir你細個讀書都試過唔交功課啦, 而家咪係咁….
42) 唔交功課好小事,阿sir你唔好大驚小怪.
43) 唔交功課冇所謂,會考考得好就得啦!
44) 之前個兩堂既阿sir睇實哂, 抄唔到功課.
45) 冇人肯借功課我抄.
46) 今朝太遲返, 抄唔切.
47) 人生得意須盡歡……所以我尋日去左玩.
48) 整homepage, 冇時間.
49) 做唔哂功課我都照返學, 阿sir你仲有咩不滿?
50) 律師黎之前我有權唔答你
不要亂來September 9, 2005 9:52 pm
iTunes phone… 有理由相信在香港做 marketing 是很幸福的
Engadget 圖片， iTunes phone， 大家應該見過。
Forum 上有人的反應是「咁似k750i w800i ga」， 這句話實在令我大感欣慰， 如果香港多些這類人， marketing 應該相當好做兼易做。
社會上傻仔越多， 作為一個 marketer 應該越開心。
生活是無聊September 7, 2005 9:57 pm
今次碌 link 成績大跌， 最高只有 116 分， 平均只有 8x-9x 左右！ 與再上一次的 138 相比實在太差啦！ 看來要改變一下打法， 那個「8 磅波炸樽」方式的水準實在太過飄忽， 應該要練一下用重些少的波。
不過「姿態越扮型， 越易中」的定律是不變的！！！
不要亂來September 5, 2005 8:43 pm
