不要亂來November 30, 2005 10:33 am
生活是無聊November 27, 2005 1:10 am
Charlie 話想唱 k， 但唔想對住我喎， 於是叫埋 Yicca 同埋 Karen 去啦， 由 12:30 唱到 5:30， 基本上要男聲既我都唱哂喇， 冇氣。 之後同 C&Y 去左朗豪吹左陣水， 就 join 小鰻 / lily / renee 佢地 nds meeting 啦。
去到 cafe 原來已經好多人啦， 仲要有好多成熟男， xp ， 好難得搵到位， 第一時間開波狂玩 Mario Kart！ D 人好勁， 玩左幾個鐘我未拎過第一！ 因為 chok 甩尾實在太難啦， 玩左幾個鐘真係手指都痛， 我好懷疑玩得多部機會好快壞， 佢D 制好似唔多掂咁喎…
講番 Mario Kart， 我覺得呢隻真係好考實力既賽車 game 黎架， 運氣都係實力的一種嘛。 同電腦玩好灰， 當我拎到第一時， 通常冇幾耐就會連中三元， 一隻墨魚， 再黎藍龜， 順手整多下閃電， 跟住就可以慢慢追喇。 不過其實隻 game 唔難玩， 事關我亂咁玩都 unlock 到唔少車啦， 又唔使場場拎第一， 電腦又會好有誠意咁專程走去踩你放的蕉皮， 總之玩既時候 keep 到個靚位入彎其實都 ok， 唔使下下 chok 都手痛。
我勁憎玩彩虹賽道， 雖然已經練到可以o係o個度甩尾喇…
生活是無聊November 23, 2005 1:43 am
今日叫做係放假第一日， 起身第一件事就係去買 NDS Mario Kart， 超正， 不過去 Pacific Coffee 攪左好耐都研究唔到點上 internet 打， 算。
跟住去做 gym， 其實今日長袖衛衣 + 牛仔褲， 都係去混吉咁既款多過真係去做， anyway， 我一直都只係打算操上半身， 所以話之佢啦。做左一陣， 忽然間想去溜冰， 於是就一個人去左又一城， 都有半年冇溜過咯， 好彩今日冇 PK， 不過問題係， 其實我一直都練唔到點樣「急停」，所以一路溜一路都好驚有細路仔O係我面前亂衝亂撞， 不過事實上， 班細路溜冰多過我行路， 勁又勁過我快又快過我， 我根本上唔使避開佢地啦，佢地大部分都識得避開我架， 係間中有一兩件轉線唔打燈之嘛， 當然， 做完 GYM 再溜冰既結果係， 冇乜力， 所以溜左一個鐘就走咯。
生活是無聊 1:40 am
話說好多人都知我有另一個 blog 純講生活日記， 不過唔多人知道o係邊， 其實我都只係寫左少少咋。 原意係因為呢度D文章好（有時）正經， 唔係個個都鍾意睇， 所以開另一個 blog 寫日記。 不過小鰻又話集合埋一齊好D， 咁睇下你地想點啦… Anyway， 呢度係考試期間兩篇日記。
精神緊張
Friday, 11. November 2005
這兩個星期維持在一個緊張的狀態， 考試… 一個對我來說永遠難度極高的 task， 我情願做幾次 project 也不願考一次試。考試要求的是背書， 是要服從於他的 theory 下答出指定答案， 而 project 是建基於他的 theory 下做出（比較上）切合實際的工作， 我覺得考試無甚麼意義， 我也不在行， 這是重點。 因為衰過， 現在每次考試都頗緊張， 好像考試 = retake 似的…
另外精神緊張的後遺症是經常眼訓， 何時何地都睡得著， 包括考試的時候…
Media Planning 試後
Thursday, 17. November 2005
應該係做得最痛快既卷， 計數， 識就識唔識就唔識， 唔使拖， 唔使諗， 幾好， 最好係好彩大部分都識， 有冇計錯係另一回事丫…
個人都幾攰， 死啦， 而家先叫做考左兩科， 跟住點捱？
聽到個令人唔知點既消息， 有少少失望， 係我冇主動﹔ 另外第二件事， 又好似做錯左少少野咁， 成日做野都做一半唔做一半… 嗯， 點算。
I am feeling lazy today…
Saturday, 19. November 2005
今日考 International Advertising， 一科本來以為好易， 溫緊書先知死既科目。 原來好多野要記！ 大鑊！ 但已經好眼訓， 成效真係…
果然今日入到場， 其實好多都唔係好確實記得， 不過算啦， 吹得七成似就當答中左啦。 係衰在最尾一題， 問 Hofstede， 我竟然睇錯題目， 答錯左！ WHAT THE FU_K!!!
以後唔好俾我o係香港見到 Hofstede， 否則打鑊佢。
講番尋日溫書有攪笑野， 話說我俾 beo 捉左去自修室溫書， beo 哥三點幾施施然出然， 一坐低我溫到如火如荼都唔得閒招呼佢， 佢隨手就拎起支水飲啦， 我唔為意， 就出現左以下對白︰
B︰（飲水）喂… 支水係咪你架？
我︰唔係。
B︰（定哂型）…
我︰（DUP 低頭想笑又唔笑）
B︰（冇聲出， 彈起身飛撲落街）
我︰（忍笑）
我︰（強行忍笑）
我︰（忍唔住， 笑左）
（五分鐘後 BEO 哥飛番來， 對面 2 位女士就多左支水啦）
不過據我觀察所得， 該 2 位女士到臨走都冇掂過支水…
影/書/碟評November 22, 2005 12:43 am
事前睇過影評， 對故事冇乜期望，對感情線都冇乜期望， 係想睇佢點打咋， 不過事前見過有人將佢同《卧虎藏龍》相提並論， 咁梗係相當有期望啦， 結論係， 果然期望越大失望越大，唔係話打得唔好睇， 而係冇想像中咁好睇啦， 阿甄生同吳京對打o個場 OK 既， 但冇乜壓迫感啦， 而且踢腿差左少少，同埋洪金賽基本上唔係好打， 唔知咩事。
劇情方面， 基本上係一套著住時裝既古裝武打片。 其實係開頭講左少少咩叫殺破狼既，不過講左好似冇講咁， 可能我本身唔識卦。 另外 ending 都 OK 既， 講左少少因果， 不過好片面下， 同埋有少少夾硬，最後任達華訓低又有少少無謂啦， 冇必要拍埋出黎。 我睇劇照係有一幕講任達華教個細路女開鎗， 不過係咪 cut 左呢？我反而對呢幕有少少興趣喎。 成套戲廖啟智仲做得好過任達華， 夠放夠癲， 印象幾深刻。
評論人協會November 18, 2005 12:36 pm
* 圖片來源︰Sidekick
我對這類所謂聲明有點反感， 這類聲明， 頗肉麻。 其實， 民主是一定要爭取的， 但請有誠意少少， 普選不是你要就有， 這種純煽情式又無內容的廣告真的已經過時了， 如果是大牌子用來 sell 那些無腦 MK 敗家仔還可以。 「現年 78 歲的香港人」， 不如再煽情少少， 108 丫笨。
對於爭拗兩方， 已經無甚麼說話可以再批評， 看看政界才知道原來香港無人才， 理論上， 角色上， 泛民必須要爭取普選， 而政府（及一堆無關人士）則必須阻止 07/08 普選。 本來這可以是一場很精彩的角力， 供市民欣賞。 可惜， 由 1984 年等到 2005 年， 任何歲數的香港人亦只是見到一堆言論， 一堆組織。 民間各式各樣「關注香港」、「爭取民主」、「甚麼力量」、「甚麼組織」的架構快要超過政府的巨無霸架構了， 但還是沒甚麼重大貢獻嘛。 03 年 7/1 我去過， 但只一次而已， 因為原來動員 50 萬人上街的回報不是政府倒台， 而是是自由行（好像還有屍爬？ 我有沒有記錯？）， 真是反高潮。 那不如等自由行對香港經濟的貢獻少了， 但是香港需要新的商機時， 我們才繼續上街吧。
至於保皇、 親中陣營也好不了多少， 在他們的智慧中， 愛國等於「拎住支國旗 fing fing 下」， 其幼稚和低能程度， 無出其右， 嘆為觀止， Ｘ人所不能， 進退失據， 貽笑大方， 說話時表情聲線用字語氣無一達標， 簡簡單單一個句說話可以被人笑足十年， 應該去再造喇。
政治從來都不是為人民服務， 人民生活亦不應依靠政府， 政治玩得高手的話是一個平衡利益的工具， 不過香港政治家， 高手之極亦只擅長做 SHOW， 實際功績、 平衡利益… 難矣。
告訴我， 我會有脫離低能政治肥皂劇的一天嗎？
補︰ 自知表達能力低， 講清楚少少， 我都希望見到民主， 但唔係 must， 有就最好， 冇亦吹佢唔漲（因為當 500k 人上街都只係換來自由行， 而更神奇既係當時主流意見無人質疑， 咁你下次想有幾多人上街？）， 但以現時兩班人的能力去評估… 哈。
不要亂來 12:57 am
唔計平時亂開亂申請o個堆， 最近開左一個新 blog， 呢個純粹當係日記咁用， 內容同寫法都同呢個 blog 有分別既，
呢個 blog 係要黎 comment / review / 相 / 寫心情， 而新開o個個純粹日記。
不要亂來November 15, 2005 9:59 pm
我決定以後我 tip 邊個 chapter， 我就唔溫邊個 chapter……
今日考完 Advertising Strategy，肯定唔會好， 合格咁囉我諗， 呢個 sem 都唔希望有好成績， 我準時交學費唔該你快手俾我 pass 哂快手俾張 cert 我大家各取所需功德完滿無拖無欠。 講真， 要真係讀書， 我此時此刻真係冇呢個心， 讀書要講時機， 我相信學野係o係學校外學得比較好， so far 我仲係好鍾意學新野， 但絕對唔係書本教o個D， 坦白講， 我好懷疑寫書o個個到底明唔明自己講乜。
下一科 Media Planning… 都係求合格， 中學時期既陰影， 個人都幾怕計數， 雖然我同人補習都係主要補數…
生活是無聊November 11, 2005 11:37 pm
症狀︰
1. 失眠（早上 10:30 後）
2. 多疑（懷疑書本的真確性）
3. 暴躁
4. 記憶力衰退（讀完 5 分鐘內唔記得）
5. 體力下降（經常坐著， 對著書本之過）
6. 甩頭髮（所以各位見到我的頭髮是短了很多！）
生活是無聊November 10, 2005 9:08 pm
連續兩篇都數某牌子的不是， 本來還有一篇， 不過為免有人以為是該公司被裁之前員工， 所以作罷， 改行寫某科導師之不是。
1. 每個 campus 一條必答題， 我們的題目應該是所有 campus 中最難的， 一個 chapter 包含全科所有的東西， 不如你話讀哂成本書佢叫笨。
2. 身為所謂講師， 連堂都可以唔上， 試問身為講師， 有甚麼比「上堂」更緊要的事？ 如果是因為和其他班撞時間， 大可以早早通知一下， 總好過臨時通知， 還要不附理由。
3. 答題要 quote example， 但 example 必需出自書中的 reading materials， 還要 quote 「來自那一個 reading」， 小學生背書也不用背 page number 啦， 不如直接叫我們答卷時甚麼也不用寫， 直接寫「refer to page xxx」就算。
4. 一份 assignment， 從不講明 requirement， 從不講明 scope， 要到 deadline 才肯施捨少少時間看看， 還要浪費時間檢查標點符號。
5. 連自己都沒有特定 requirement 時， 竟然可以要求嚴格， 大有做老細之風範。
6. 這一科是教 Service Marketing， 但如此教學服務質素， 身為消費者的我， 學費點俾得順氣？
本來還有其他， 不過算了， 線眼多。
君子之膠November 9, 2005 1:40 am
早前 Sorry 被踢爆於 DRM 中加入 spyware， 結果 Sorry 要提供更新程式予用戶下載， 但仍不忘死頂， 有位 title 為 “President of Sony’s Global Digital Business” 的人出來說了以下一句︰
“Most people, I think, don’t even know what a rootkit is, so why should they care about it?”
不知道代表沒事？ 大部分人都不知道生化武器的化學成份是甚麼， 那是不是代表可以隨處放生化武器？
記得早前 Sorry PSP (Portable Stupid Platform) 的按鈕出現問題， 有高層也是一句︰ 「我們不願改變設計， 開發商和消費者必需適應。」 可惜這句話我沒有存檔。
11/11 UPDATED: 轉載自 FrostyPlace︰
針對 Sony-BMG 這樣以犧牲消費者電腦安全來達到保護出版商利益的自私做法，美國加州與紐約州的消費者已經在本週向法院提出集體訴訟案，另外美國的電子前鋒基金會 (EFF) 也在今天表示，目前他們正積極的蒐集證據以及招集受害的消費者，準備要對 Sony 提出告訴。
君子之膠November 4, 2005 10:01 pm
1. 先講三叔
引述Chinese Engadget︰
有人要在韓國媒體面前夾著尾巴逃跑囉，上週才喜滋滋的向大家宣佈三星將要推出線上音樂服務的三星數位媒體部門總裁 Choi Gee-sung，現在只能當眾自打嘴巴。建議Choi可以用「嗯，因為現在三星對經營線上音樂的服務沒什麼興趣」的藉口來推搪。
先因為平價供貨給 Apple 而受圍攻， 接著 Apple 決定飛起三叔， 然後三叔宣佈自行開展 online music store， 一星期後又反口。
Creative發表最新一季業績，盈利比上一年同一季度急降86%。星藉CEO，也即那個聲稱與蘋果打甚麼MP3 War的Sim Wong Hoo，指Creative盈利倒退是因為與蘋果激列的減價錢。故此，Creative決定要保持價格，不再減價，才能保得住盈利。
一年前， iPod Shuffle 還未推出， Creative 就大鑼大鼓要玩 price war， 結果一年後成績不升反跌， 其實 Creative 的所謂 price war， 價錢好像從未比 iPod 平宜過。 MarGrass 的評論有詳細提及， 可以參考。
So Sony… sorry, no more alliteration… says—damn—that their BMG induced spyware wasn’t so bad after all and that only malicious music companies would be able to ruin your PC. They did release a patch and said:
However to alleviate any concerns that users may have about the program posing potential security vulnerabilities, this update has been released to enable users to remove this component from their computers.
嗯， 在軟件上放 spyware， 還說沒有甚麼大不了， 又暗示其他人大驚小怪， SORRY 真不愧為我最喜愛的公司之一。「only malicious music companies would ruin your PC」， SORRY 不就是其中一間嗎？ 還是 Gizmodo 夠絕︰「It’s like the guy who punches you in the bar and then backs off, calling you crazy.」
基本上， 有這種級數的對手， Apple 只要不犯大錯， 就足以維持皇者地位， 雖然很多人仍然以為 iPod 只是賣牌子。
評論人協會 1:32 am
到底有沒有招數可以破解 M$ 將 IE / Messenger / Media Player / Blog / … 捆綁在 Windows 內的絕招？
理論上， 由於 Windows 用戶基數太大， 不論任何軟件捆綁在 Windows 內都可以因此而提高用戶數目， 而只要該軟件不太差的話， 最終其他競爭者的用戶會因為「方便」而轉投 M$ 旗下。
而此情況肯定會在 Windows Vista 時變本加勵， 始終， 大部分用戶都沒有太高的常識， 而常識不高的話， 對軟件要求也不會高， 那「方便」和「名牌」就是一個很大的誘因， 即使競爭者軟件的質素高於 M$ products， 也難以轉變局勢。 因為轉換軟件或服務所需的成本很低， 所以也沒有太大的 loyalty 可言。
通常捆綁銷售， 就是將一大堆不關事的產品放在一起， 例如 windows media player 捆綁在 windows 之內， 當然這趕絕了 real media， 但不見得消費者會因此而得益， 因為 M$ 會將 media player 的售價也「捆綁」在 windows 上， 消費者並不會因此而得益， 只會在不知不覺間買了一堆不合用的東西， 你看看 Windows 內有那些軟件是你根本不會用到的？ 那些軟件也需要開發成本， 那誰來支付？
Vista 和 Live 的捆綁比而時更甚， 推出之後肯定會打死一大堆小型軟件商， 到底捆綁是不是不可能打倒呢？
那， 如果你是已在市場上的小型軟件商， 還有沒有其他方法面對 Windows Vista 的捆綁絕招？
