事前睇過影評， 對故事冇乜期望，對感情線都冇乜期望， 係想睇佢點打咋， 不過事前見過有人將佢同《卧虎藏龍》相提並論， 咁梗係相當有期望啦， 結論係， 果然期望越大失望越大，唔係話打得唔好睇， 而係冇想像中咁好睇啦， 阿甄生同吳京對打o個場 OK 既， 但冇乜壓迫感啦， 而且踢腿差左少少，同埋洪金賽基本上唔係好打， 唔知咩事。

劇情方面， 基本上係一套著住時裝既古裝武打片。 其實係開頭講左少少咩叫殺破狼既，不過講左好似冇講咁， 可能我本身唔識卦。 另外 ending 都 OK 既， 講左少少因果， 不過好片面下， 同埋有少少夾硬，最後任達華訓低又有少少無謂啦， 冇必要拍埋出黎。 我睇劇照係有一幕講任達華教個細路女開鎗， 不過係咪 cut 左呢？我反而對呢幕有少少興趣喎。 成套戲廖啟智仲做得好過任達華， 夠放夠癲， 印象幾深刻。